Pyetje:
Djali ynë është 3 vjeç e gjysëm, han, pin, dhe gjumin e bën mirë, mirëpo thotë shumë pak fjalë në gjuhën shqipe dhe më shumë në gjuhën angleze.
Në moshën 11 muajshe ka thënë fjalën e parë “mami” dhe disa fjalë të tjera, por rreth 1 vjeç ka fillu të përdorë shumë telefonin, sidomos në youtube, poashtu edhe në tik – tok dhe instagram, në kohën e ushqimit, para se të bjerë të flejë, dhe me orë të tëra gjatë ditës. Kohëve të fundit ja kemi ndaluar, mirëpo kërkesat dhe çdo gjë tjetër i thotë vetëm në gjuhën angleze me “no, yes, okey”, na intereson një mendim i juaji?
Përgjigje:
Përshëndetje!
Kjo është një problematik e cila është shumë e shpeshtë në ditët e sotme. Dhe, si jo rastësisht, kjo ka sjellë një sërë çështjesh dhe problemesh për diskutim, të cilat medoemos kërkojnë zgjidhjen e tyre në mejdanin profesional përkatës. E vërteta është se fëmijët kanë nevojë për ndërveprime dhe lojëra të ndryshme, për ta zhvilluar gjuhën e tyre, dhe aspektet logopedike në moshat përkatëse. Ndërsa teknologjia, sidomos te fëmijët e vegjël, formon skemën shabllon të gjuhës, perceptimeve, dhe të shprehurit, e cila sigurisht se është e dëmshme në aspektin logopedik. Një gabim që prindërit e bëjnë shpesh është, kur për të mos i penguar fëmija i tyre, ja japin telefonin, kjo është në kundërshtim me pjesën e lartëshpjeguar.
Disa këshilla:
- Largojini paisjet e teknologjisë nga dhoma e tij/saj rreth 1 orë para gjumit.
- Shmangeni përdorimin e ekraneve si ‘biberon’, vetëm për të mos ju penguar fëmija, sikur se e shpjeguam.
- Kujdes shumë më strikt që fëmija të mos ketë qasje në tik – tok dhe videot reel – s në facebook dhe instagram.
- Është e rekomandueshme që deri në 10 vjeç fëmija të mos qasje në rrjetet sociale (facebook instagram, snapchat, etj). E informon prindi për çka ka nevojë rreth shkollës apo kurseve që ndjekë.
- Nxitni lojëra me të në gjuhën shqipe, siç është loja me balona, me karta me figura, me përdorimin e objekteve, etj.
- Rekomandohet një konsultë me logopedin./natalmedia.com/
*Materialet dhe informacionet në këtë portal nuk mund të kopjohen, të shtypen, ose të përdoren në çfarëdo forme tjetër për qëllime përfitimi pa miratimin e drejtuesve të “natalmedia”
