Pyetje:
Përshëndetje!
Djali ynë është 3 vjeç e 9 muaj, në përgjithësi mendojmë se është mirë në çdo aspekt dhe nuk shohim ndonjë problem, mirëpo na intereson një mendim i juaji, se kur e rekomandoni një konsultë me profesionistët shëndetsorë?
Përgjigje:
Përshëndetje!
Kjo është një pyetje shumë e rëndësishme, është një gjë e mirë shumë, kur prindërit interesohen për fëmijët e tyre edhe nëse mendojnë se nuk shohin ndonjë problem te ata, kjo për arsye sepse në shëndetësi, parandalimi konsiderohet gjithmonë më i mirë se shërimi. Siç e dijmë, fëmijët kalojnë nëpër disa etapa zhvillimore, në disa nga aspektet më kyqe që janë të nevojshme për zhvillimin e tyre, andaj bashkë me aspektet logopedike, do ti shpjegojmë edhe shenjat apo aspektet e tjera te fëmija, që prindi ka nevojë ti dijë.
Do ta marrim moshën 3 – 4 vjeçe, për shkak të rëndësisë që e ka. Mosha 3 – 4 vjeç
- Aftësi të ngathta motorike (në hedhjen e topit, kërcimin, ngasja e biçikletës me 3 rrota, kordinim i dobët, vështirësi që të shkruan me laps)
- Qanë nëse prindi largohet nga dhoma
- Fëmija duket se është i “fikur” në shumicën e kohës
- Nuk tregon interes për të luajtur me fëmijët e tjerë
- Nuk bënë lojëra imagjinative
- Nuk përdorin fjali më të gjata se 3 fjalë
- Përdorë gabimisht përemrat vetorë “Unë” dhe “Ti”
- Të folurit e tij është më i pakuptueshëm tek mjedisi më i gjerë shoqëror
- Fjalori është i pakët dhe nuk bëhet më i pasur me kalimin e kohës
- Nuk e kupton dhe nuk i zbaton dy urdhëra verbale (si shembull, “shko dhe merre topin”)
- Shumicën e tingujve i shqipton gabimisht, ose i lë jashtë fjalës.
Disa këshilla:
- Mos i jepni vërejtje në të folur.
- Mos bëni mimika (shprehje të fytyrës) pakënaqësie ndaj të folurës së tij.
- Lejone të kërcejë në shtrat, sepse i ndikon mirë, vetëm bëni kujdes që të mos rrëzohet.
- Nëse mendoni se ka ndonjë problem logopedik, asnjëherë mos provoni ta trajtoni vetë, apo ta lini për më vonë duke menduar se do ti kalojë me kohën.
- Caktoni një konsultë me logopedin, psikologun, nëse shihni simptoma të tilla te fëmija./natalmedia.com/
*Materialet dhe informacionet në këtë portal nuk mund të kopjohen, të shtypen, ose të përdoren në çfarëdo forme tjetër për qëllime përfitimi pa miratimin e drejtuesve të “natalmedia”
