Ne veçojmë pesë këshilla për të gjithë ata që duan t’u prezantojnë fëmijëve të tyre leximin dhe librin! Shihni se si mund t’i ndihmoni ata të zhvillojnë aftësitë e tyre të leximit.
Lexim përkufizohet si aftësia për të kuptuar, reflektuar dhe përfshirë në tekste të shkruara për të arritur qëllimet personale, për të zhvilluar njohuritë dhe potencialin e dikujt dhe për të marrë pjesë aktive në shoqëri.
Fëmija duhet t’i arrijë të gjitha këto gradualisht dhe këto janë mënyrat me të cilat mund ta ndihmoni.
1. Monitoroni leximin e fëmijës tuaj
Leximi bazohet në pesë faktorë: zhvillimi i gjuhës dhe i të folurit, aftësitë e perceptimit dëgjimor dhe vizual, rrjedhshmëria, pasurimi i fjalorit dhe të kuptuarit. Nëse vëreni se fëmija juaj mund të lexojë lehtësisht një histori, por nuk arrinë ta shpjegojë atë që e lexon fokusohuni në problemin që e ka fëmija juaj.
Me një ton të qetë, përpiquni t’i bëni atij nënpyetje, nxiteni të gjejë fjali në tekst që do të mbështesin atë që tha dhe të përpiqet të shpjegojë atë që lexoi. Me kalimin e kohës do të bëhet më e lehtë, por kërkohet durim.
2. Lëreni të lexojë çdo gjë, jo vetëm libra shkollor
Shkrim-leximi nuk i referohet vetëm leximit të librave ose materialeve të tjera të shtypura, por edhe mediave elektronike. Fëmijët e sotëm kalojnë shumë më tepër kohë në internet se brezat e mëparshëm, veçanërisht kur merren parasysh orët online, ndaj kërkimi i informacionit është i ndryshëm sesa kur bëhet fjalë për materialet me shkrim.
Kjo pjesë e shkrim-leximit lidhet me aftësinë për të unifikuar, interpretuar dhe kontrolluar besueshmërinë e burimit nga i cili janë marrë të dhënat. Pikërisht për këtë duhet të zhvillohet mendimi kritik, ndaj është e nevojshme të flitet për këtë me fëmijën jashtë kulturës mediatike në shkolla.
Për sa i përket leximit të materialeve të tjera, përpiquni të përfitoni nga çdo mundësi për ta bërë këtë. Për shembull, lëreni një fëmijë të lexojë një menu në një restorant…
3. Lëreni të zgjedhë herë pas here tituj që i duken interesantë
Çdo nivel arsimor sjell me vete tituj leximi që duhen lexuar. Dhe sado që (disa) mësues dhe profesorë përpiqen t’i afrojnë fëmijët me leximin në mënyrën më interesante të mundshme, vetë fakti që ai duhet lexuar krijon një lloj neverie tek fëmijët.
Mundohuni të mos e lidhni fëmijën me leximin dhe librat vetëm me materialin për lexim. Merrni atë në librari dhe lëreni të zgjedhë atë që i duket interesante.
Zgjedhja është vërtet e madhe, mjafton të dëgjosh dëshirat e fëmijës dhe herë pas here ofroni sugjerimet tuaja.
4. Lidhni leximin (dhe shkrimin) me aktivitetet e përditshme
Shkrimi është gjithashtu i pandashëm nga lexim, dhe për t’i kombinuar të dyja, përfshijeni fëmijën në aktivitetet e përditshme. Për shembull, nëse keni nevojë të merrni ushqim në dyqan, diktojini fëmijës listën e ushqimeve të nevojshme dhe lëreni të shkruajë. Lëreni t’ju lexojë listën gjatë blerjes.
Ju gjithashtu mund t’i jepni atij detyrën që t’i shkruajë një letër gjyshes, gjyshit ose ndonjë të afërmi tjetër, në të cilën ai do të shkruajë se si duket dita e tij e mësimit, si e kalon kohën e lirë dhe të ngjashme.
5. Bëhu një model
Të gjitha këshillat e mëparshme janë të kota nëse fëmija nuk e sheh se ju vërtet po merrni pjesë aktive në lexim.
Me kalimin e kohës, kurioziteti i tij do të mbizotërojë, kështu që ai do të dëshirojë të shohë atë që po lexoni dhe thjesht të ndjejë nevojën për të lexuar.
./natalmedia.com/
*Materialet dhe informacionet në këtë portal nuk mund të kopjohen, të shtypen, ose të përdoren në çfarëdo forme tjetër për qëllime përfitimi pa miratimin e drejtuesve të “natalmedia”
