Kur flasim për shëndetin mendor shumica nga ne kemi frik të flasim hapur për ndjenjat tona, kemi frik nga opinjoni dhe gjykimet e të tjerëve.
Një gjë duhet ditur depresioni, srtesi, ankthi, çrregullimi emocional, por edhe mendimet suicidale nuk ju bëjnë të çmendur, thejsht edhe truri është organ që kërkon kujdesin si çdo organ tjetër në trupin tonë.
Investimi në shëndetin mendor është po aq i rëndësishëm sa investimi në shëndetin fizik dhe se të dyja janë pjesë e pandashme e shëndetit të përgjithshëm.
Shëndeti mendor është shumë më tepër se një diagnozë. Është mirëqenia juaj e përgjithshme psikologjike dhe mënyra se si ndiheni për veten dhe të tjerët, si dhe aftësia juaj për të menaxhuar ndjenjat tuaja dhe për të përballuar vështirësitë e përditshme.
Kujdesi për shëndetin tuaj mendor mund të nënkuptojë kërkimin e mbështetjes dhe trajtimit profesional, dhe gjithashtu nënkupton marrjen e hapave për të përmirësuar shëndetin tuaj emocional.
Hapat e mëposhtëm do të jen të dobishme në të gjitha aspektet e jetës suaj. Mund të përmirësojë disponimin tuaj, të krijojë elasticitet dhe t’i shtojë bukurinë kënaqësisë suaj të përgjithshme të jetës.
Mendoni pozitivisht për veten tuaj
Hulumtimet tregojnë se ajo që mendoni për veten mund të ketë një efekt të fuqishëm në mënyrën se si ndiheni. Kur e perceptojmë veten dhe jetën tonë negativisht, mund të përfundojmë duke i parë përvojat në një mënyrë që konfirmon atë nocion. Në vend të kësaj, praktikoni fjalë që nxisin një ndjenjë të vetëvlerësimit dhe kënaqësisë personale.
Shkruani diçka për të cilën jeni mirënjohës
Mirënjohja është e lidhur qartë me përmirësimin e mirëqenies dhe shëndetit mendor, si dhe me lumturinë. Mënyra më e mirë e hulumtuar për të rritur ndjenjat e mirënjohjes është të mbani një ditar mirënjohjeje ose të shkruani një listë ditore për gjërat që i posedoni. Në përgjithësi, ndjenja e mirënjohjes për atë që e posedoni është gjithashtu efektive, por duhet të keni një praktikë të rregullt për të përjetuar përfitimet afatgjata.Shikone rrethë vetes do gjeni shumë gjëra që ju përmbushin dhe shijoni atë ndjenjë.
Përqendrohuni në përjetimet momentale
Ndërgjegjësimi për momentin e tanishëm na lejon të çlirojmë emocione negative ose të vështira nga përvojat e kaluara që na ngarkojnë. Filloni duke rritur ndërgjegjësimin për aktivitetet rutinë, të tilla si dushi, ngrënia e drekës ,ecja në natyrë ose një libër të lëxuar në akomodimin e shtëpisë tuaj.
Duke i kushtuar vëmendje ndjesive fizike, tingujve, aromave ose shijeve të këtyre përvojave ju ndihmon të përqendroheni. Kur mendja juaj ikën, ktheheni përqëndrimin tek ajo që po bëni.
Aktivitetet fizike
Trupi juaj çliron endorfina që lehtësojnë stresin dhe ju rrikthen humorin para dhe pas stërvitjes, kjo është arsyeja pse stërvitja është një antidot i fuqishëm ndaj stresit, ankthit dhe depresionit. Kërkoni mënyra të vogla për t’i shtuar aktivitetit ditës suaj, si p.sh. të ngjitni shkallët në vend të ashensorit ose të bëni një shëtitje të shkurtër. Për të përfituar sa më shumë, synoni për të paktën 30 minuta ushtrime në ditë. Ekspozimi ndaj rrezeve të diellit ndihmon trupin tuaj të prodhojë vitaminë D, e cila rrit nivelet e serotoninës në tru. Përveç kësaj, qëndrimi dhe shetitja në natyrë është shumë efikas për të reduktuar stresin.
Ushqehuni shëndetshëm
Ajo që hani ushqen të gjithë trupin tuaj, duke përfshirë trurin tuaj.
Karbohidratet (me moderim) rrisin serotoninën, e cila është treguar se rikthen disponimin tuaj. Ushqimet e pasura me proteina rrisin norepinefrinën, dopaminën dhe tirozinën, të cilat ju ndihmojnë të qëndroni zgjuar.
Perimet dhe frutat janë të mbushura me lëndë ushqyese që ushqejnë çdo qelizë në trupin tuaj, duke përfshirë ato që ndikojnë në kimikatet e trurit që rregullojnë humorin. Përfshini ushqime me acide yndyrore të pangopura omega-3 (që gjenden në peshk, arra dhe fara liri.) Hulumtimet tregojnë se këto lëndë ushqyese mund të përmirësojnë gjendjen shpirtërore dhe të rivendosin integritetin strukturor të qelizave të trurit thelbësor për funksionin kognitiv.
Ndihmo dikë që është në nevojë
Hulumtimet tregojnë se të ndihmosh të tjerët ndikon pozitivisht në mënyrën se si ndihesh. Të jesh i dobishëm dhe i sjellshëm, i vlerësuar për atë që bën, është një mënyrë e shkëlqyer për të ndërtuar vetëvlerësim. Kuptimi që gjeni në ndihmën e të tjerëve do të pasurojë dhe frymëzojë jetën tuaj.
Merrni një pushim
Në ato momente kur përjetoni ndjenjën e fundosjes, pushoni dhe bëni gjithçka përveç asaj që të shqetëson derisa të ndihesh më mirë. Një ushtrim i thjeshtë frymëmarrjeje: mbyllni sytë dhe merrni frymë thellë është shumë efikase në menagjimin e ankhit.
Një gjumë i kordinuar
Një numër i madh studimesh kanë treguar se mungesa e gjumit ka një ndikim të rëndësishëm negativ në disponimin tuaj. Mundohuni të shkoni në shtrat në një kohë të rregullt çdo ditë dhe praktikoni zakone të mira për gjumë më të mirë. Këto përfshijnë fikjen e ekraneve të paktën një orë para gjumit, përdorimin e shtratit vetëm për gjumë ose aktivitete relaksuese.
Filloni sot!
Tani për tani, ju keni fuqinë për të ndërmarrë hapa pozitivë për të përmirësuar qëndrueshmërinë tuaj ndaj mendimeve dhe emocioneve negative. Mos prisni derisa të jeni në krizë për ta bërë shëndetin mendor prioritet. Përveç kësaj, është më e lehtë të fitoni zakone të reja kur ndiheni të fortë. Atëherë mund t’i zbatoni ato zakone kur ju nevojiten më shumë./natalmedia.com/
*Materialet dhe informacionet në këtë portal nuk mund të kopjohen, të shtypen, ose të përdoren në çfarëdo forme tjetër për qëllime përfitimi pa miratimin e drejtuesve të “natalmedia”
