Shkruan: Logoped – Arjon Podrimaj
Është ndoshta një çështje më shumë në këndin psikologjik, por që aspektet sigurisht që ndërlidhen me njëra – tjetrën, andaj dhe do të japim një shpjegim duke e bërë këtë ndërlidhje. Fëmijët e vegjël mund të mos e kuptojnë se goditja e kokës mund ti dëmtojë, kjo për arsye sepse ata nuk e zhvillojnë plotësisht ndjenjën e dhimbjes deri në moshën tre vjeçe.
Disa arsye se pse ndodhë kjo sjellje:
- Fëmija nuk mund të shprehet dot me fjalë
- Fëmija kërkon të marr vëmendje
- Si reflektim i asaj që i keni bërtitur më pare
- Mund të jetë edhe si metodë në reagim për plotësimin e nevojave të ndjeshmërisë, urisë, etjes, afeksioneve (përqafimet, etj).
Disa këshilla:
- Mos i jepni vërejtje në të folurën e tij.
- Mos bëni mimika (shprehje të fytyrës) pakënaqësie ndaj të folurës së tij.
- Sa më pak që ti bërtisni, është më mirë, sidomos në rastet kur ka bërë ndonjë faj dhe ndihet keq.
Këto tre këshilla janë për arsye sepse me kalimin e kohës mund të vijë deri te dy probleme logopedike:
- Hezitimi për tu shprehur
- Belbëzimi (në të ardhmen)./natalmedia.com/
Materialet dhe informacionet në këtë portal nuk mund të kopjohen, të shtypen, ose të përdoren në çfarëdo forme tjetër për qëllime përfitimi pa miratimin e drejtuesve të “natalmedia”
