Edhe pse noti rekomandohet si një aktivitet ideal për gratë shtatzëna, shpesh ka një pyetje rreth rreziqeve të mundshme që kërcënojnë nga uji i detit ose pishinave. Më poshtë, do e shpjegojm nëse dhe kur gratë shtatzëna lejohen të notojnë në det dhe pishinë dhe çfarë duhet t’ i kushtojnë vëmendje
Deri në cilin muaj të shtatzënisë mund të notoni në det, si të merreni me të nxehtin e verës, nga çfarë lloj sjelljeje gratë shtatzëna në det duhet të shmangen, nëse ka ndonjë pengesë të vërtetë për të notuar në det, janë vetëm disa nga pyetjet e diskutuara nga nënat e ardhshme.
Disa thonë se gratë shtatzëna nuk duhet të notojnë në det, e megjithatë noti këshillohet veçanërisht si aktiviteti më i mirë për gratë shtatzëna.
A ka ndonjë rregull që gratë shtatzëna duhet t’i përmbahen kur lahen, për shembull, temperatura e ujit, sa kohë lejohet të qëndrojë
A lejohen gratë shtatzëna të notojnë në det?
Noti në detin e pastër lejohet nëse gjetja dhe statusi i shtatzënisë është normal, d.m.t. nuk ka diagnozë të abortit kërcënues ose lindje para kohshme. Është një aktivitet i shëndetshëm dhe i dobishëm që rekomandohet pavarësisht se në cilin muaj të shtatzanis jeni. Gjithashtu, gratë shtatzëna duhet të sigurohen që uji i deti të mos jetë shumë i ftohtë, që të mos pësojnë një goditje të temperaturës. Përveç kësaj, duhet t’u kushtoni vëmendje këpucëve të rehatshme, në mënyrë që gruaja shtatzënë të mos rrëshqasë aksidentalisht në një sipërfaqe të lagur.
“Nëse gruaja shtatzënë nuk ka tension të lartë, diabet, funksion hormonal të çrregulluar të gjëndrës tiroide, sëmundje të veshkave ose sëmundje të zemrës, apo mundësinë e lindjes së parakohëshme apo ndonjë kërcënim ndaj fetusit të tillë si vonimi i rritjes së fetusit,në këto rethana gratë shtatzëna mund të udhëtojnë . Por sigurisht gjatë udhëtimit nëna e ardhshme duhet të përshtatet me veten dhe aftësitë e saj fizike, duke dëgjuar vazhdimisht trupin e saj. Udhëtimi kërkon pushim çdo 1,5 deri në 2 orë me shtrirje të lehtë, ecje dhe freskim.
A mund të notojnë gratë shtatzëna në pishinë?
Sa për pishinën, ata janë të dyshimtë për shkak të pastërtisë së ujit dhe higjienës personale të njerëzve të tjerë. Noti në pishinë, i cili përdoret nga një numër i madh njerëzish, në përgjithësi nuk rekomandohet për gratë, sepse inflamimet gjenitale pas përdorimit janë shumë të zakonshme. Pishinat janë ideale ku uji është jashtëzakonisht i pastër dhe nuk përdoret nga shumë njerëz. Pra, ndonëse aktiviteti fizik i moderuar në ujë është i mirë për një grua shtatzënë, noti në pishina nuk duhet praktikuar shumë shpesh.
Noti në det është shumë më i pranueshëm se noti në pishina dhe spa. Për shkak të dallimeve të temperaturës, është e këshillueshme të shmangen banjat turke, saunat e lagështa dhe të thata. Për arsye higjienike këshillohet të shmanget jakuzi.
Ajo që nënat e ardhshme duhet t’i kushtojnë patjetër vëmendje, janë rrobat e lagura të notit me qëllim të parandalimit të inflamacionit të fshikëzës, gjë që është dukshëm më e zakonshme gjatë shtatzënisë. Nëse ende vendosni të bëni një banjë në pishinë, përmbajuni rregullave të mëposhtme: mos qëndroni gjatë në ujin e pishinës, bëni një dush pas notit dhe ndërroni rrobat e banjës menjëherë pasi të largoheni nga pishina.
Mos e teproni me diellin
Nxehtësia dhe ekspozimi ndaj diellit nuk do të dëmtojnë foshnjën, por gruan shtatzënë. Dëmtueshmëria e rrezeve UV, mundësia e djegieve dhe dehidratimi janë arsyeja e nevojës për të qëndruar në hije nga ora 10 deri në orën 16, rekomandohet shmangien e ekspozimit të tepërt në diell, që mund të shkaktojë djegie nga dielli, goditje nga dielli me ftohje dhe dridhje dhe dehidratim me një rënie në nivelet e elektrolytes që mund të rrezikojnë ndjeshëm nënën, por edhe vet shtatzëninë. ./natalmedia.com/
Materialet dhe informacionet në këtë portal nuk mund të kopjohen, të shtypen, ose të përdoren në çfarëdo forme tjetër për qëllime përfitimi pa miratimin e drejtuesve të “natalmedia
