Shkruan: Arjon Podrimaj – Logoped
Çfarë janë Disleksia, Disgrafia, Diskalkulia?
Problemet e mësim – nxënies janë aspektet intelektuale të prekura të fëmijës, përkatësisht ngecjet dhe vështirësitë në të lexuar – Disleksia
Në të shkruar – Disgrafia
Në njohjen e numrave, dhe llogaritjet matematikore – Diskalkulia.
Kur themi ngecjet, vështirësitë në të nxënë, fjala është përkitazi me moshën në të cilën fëmija ndodhet, jo në diskursin e përditshëm si njihet te njerëzit se nuk po e kap dot një mësim të ndonjë lënde përkatëse. Prandaj, Disleksia nuk vendoset si diagnozë dhe as nuk trajtohet në aspektin Logopedik deri para moshës 8 vjeçe (klasa e tretë), sepse deri para klasës së tretë fëmija mund të ketë vështirësi dhe ngecje në mësim, që jo medoemos do të aludojë në këtë që po themi.
Simptomat e ngecjeve, vështirësive në mësim – nxënie:
- Ngatërron shkronjat e ngjashme p me q, b me p, etj. (Disleksia)
- Numrat e ngjashëm 6 me 9, 9 me 6 (Diskalkulia).
- Ka frikë të lexojë në publik (Disleksia)
- Ka tendencë të shmangë rreshtat (Disleksia).
- Ka vështirësi të kapë lapsin (Disgrafia).
- Ka vështirësi të shikojë lapsin dhe të përqendrohet (Disgrafia).
- Ka vështirësi të shkruajë një rresht pa asnjë gabim (Disgrafia).
Disa këshilla:
- Mos merrni asnjë hap pa u konsultuar me një Profesionist Logoped.
- Mos e ngarkoni me shumë detyra në shtëpi, as mësuesja me detyra në shkollë (nëse i shihni këto shenja).
- Ta keni parasysh moshën 8 vjeçe (që e cekëm) dhe të mos keni ndonjë shqetësim serioz në këtë drejtim para kësaj moshe.
- Caktoni një konsultë me Logopedin./natalmedia.com/
Materialet dhe informacionet në këtë portal nuk mund të kopjohen, të shtypen, ose të përdoren në çfarëdo forme tjetër për qëllime përfitimi pa miratimin e drejtuesve të “natalmedia”
