Kur një grua është shtatzënë, qelizat e foshnjës migrojnë në qarkullimin e gjakut të nënës dhe më pas qarkullojnë përsëri tek foshnja, kjo quhet “mikrokimerizëm fetal-nënë”.
Gjatë javës së 41-të, qelizat qarkullojnë nëpër placentë në të dy drejtimet, dhe pas lindjes së foshnjës, shumë prej këtyre qelizave mbeten në trupin e nënës, duke lënë një shenjë të përhershme në indet, kockat, trurin dhe lëkurën e nënës dhe shpesh mbeten aty për shumë dekada.
Edhe nëse shtatzënia nuk shkon në afatin e plotë ose nëse keni një abort, këto qeliza ende migrojnë në qarkullimin tuaj të gjakut.
Hulumtimet kanë treguar se nëse zemra e nënës lëndohet, qelizat fetale do të nxitojnë në vendin e lëndimit dhe do të shndërrohen në lloje të ndryshme qelizash që janë të specializuara në riparimin e zemrës. Fëmija ndihmon nënën të shërohet, ndërsa nëna e ndërton fëmijën.
Sa e mrekullueshme që është! Kjo është shpesh arsyeja pse disa sëmundje zhduken gjatë shtatzënisë.
Është e pabesueshme se si trupi i nënës e mbron foshnjën me çdo kusht, dhe foshnja mbron dhe rikthen organizmin e nënës – në mënyrë që fëmija të zhvillohet dhe të mbijetojë i sigurt.
Mendoni për një moment për dëshirat e çmendura për ushqime të caktuara. Çfarë i mungonte nënës që foshnja të dëshironte atë lloj ushqimi?
Studimet kanë treguar gjithashtu se qelizat fetale mbeten në trurin e nënës deri në 18 vjet pas lindjes. Kjo është vërtet e mahnitshme!
Nëse jeni nënë, e dini se si mund ta ndjeni fëmijën tuaj në mënyrë intuitive edhe kur nuk është aty… Epo, tani ka prova shkencore që nënat e mbajnë atë për vite e vite edhe pas lindjes./natalmedia.com/
*Materialet dhe informacionet në këtë portal nuk mund të kopjohen, të shtypen, ose të përdoren në çfarëdo forme tjetër për qëllime përfitimi pa miratimin e drejtuesve të “natalmedia”
