Nëse jeni grua, mos nxitoni në përfundimin se trupi juaj ju ka dështuar – ka shumë faktorë të tjerë, si cilësia e spermës, mosha, cilësia e vezëve, çekuilibri hormonal, madje edhe mënyra e jetesës që ndikojnë në fertilitetin shumë më tepër tani sesa në kohën e prindërve tuaj.
Për shumë çifte realiteti është i dhimbshëm, përpiqen me këmbëngulje të kenë një fëmijë, por të provosh nuk jep rezultat. Sipas hulumtimeve të fundit, 1 në 6 çifte përballen me infertilitet dhe ky numër pritet të rritet në të ardhmen e afërt.
Gratë shpesh fajësojnë veten për infertilitet, por nuk është aspak faji i tyre. Shpesh dëgjojmë shpjegimin sesi lindshmëria zvogëlohet me kalimin e viteve dhe gratë e sotme e shtyjnë lindjen e fëmijëve.
Është e vërtetë që cilësia dhe sasia e vezëve bien me moshën, por kjo është vetëm një pjesë e një enigme komplekse.
Nëse jeni grua, mos nxitoni në përfundimin se trupi juaj ju ka dështuar – ka shumë faktorë të tjerë, si cilësia e spermës, mosha, cilësia e vezëve, çekuilibri hormonal, madje edhe mënyra e jetesës që ndikojnë në fertilitetin shumë më tepër tani sesa në kohën e prindërve tuaj.
Shumë nga këta faktorë janë jashtë kontrollit tuaj dhe duke ditur se këto aspekte ndikojnë në fertilitetin tuaj, do t’ju ndihmojë të çlironi veten.
Cilësia dhe sasia e spermës bien në mënyrë drastike
Në një të tretën e rasteve, infertiliteti mashkullor është rrënja e problemit. Në fakt, kjo është arsyeja kryesore pse shumë çifte nuk mund të kenë një fëmijë tjetër – shumë burra jetojnë në iluzionin se gjithçka është në rregull me ta, sepse partnerja e tyre tashmë ka arritur të mbetet shtatzënë një herë.
Megjithatë, statusi riprodhues nuk është statik. Ai ndryshon sipas zakoneve të jetesës, stresit dhe dietës. Përveç kësaj, numri i spermës tek meshkujt sot është shumë më i ulët se më parë.
Besoni apo jo, sipas kritereve që vlenin vetëm dy breza më parë, sot të gjithë meshkujt konsiderohen infertilë. Ky po bëhet një problem serioz – në vitin 1940, njeriu mesatar kishte 113 milionë spermatozoide për milliliter spermë; Në vitin 1990, ky numër ra në 66 milionë (një rënie prej 45%) dhe sot është vetëm 20 milionë.
Shkak për këtë rënie, sipas ekspertëve, janë toksinat e pranishme në mjedisin tonë, obeziteti dhe aktiviteti i dobët fizik.
Jeni vazhdimisht të lodhur dhe të stresuar
Nuk ka dyshim se njeriu nuk ka jetuar kurrë më stresues se sot. Kjo ka pasojat e saj, duke përfshirë infertilitetin. Kur trupi juaj është i stresuar, ju në fakt keni progesteron më të ulët; stresi është përgjegjës për sekretimin e kortizolit, të cilit trupi më pas i jep përparësi ndaj hormoneve seksuale.
Stresi kronik është gjithashtu shkaktar i problemeve të tiroides, i cili ndikon drejtpërdrejt në fertilitetin. Kur bëhet fjalë për mungesën e gjumit, ekspozimi ndaj dritës nga telefonat celularë, tabletët, televizorët dhe kompjuterët tuaj në mbrëmje prish plotësisht natyrën e errësirës dhe kjo mund të vonojë dhe madje të ndalojë ovulimin.
Jemi të ekspozuar ndaj toksinave më shumë se kurrë
Dhe ky është një problem që nuk ekzistonte disa breza më parë. Ekspozimi ndaj toksinave në ajër, tokë, ushqim dhe ujë mund të shkaktojë një sërë sëmundjesh kronike, duke përfshirë edhe infertilitetin. Sëmundjet autoimune janë në rritje, si dhe përpjekjet e dështuara për të mbetur shtatzënë.
Duke pasur parasysh se gama e toksinave ndaj të cilave jemi të ekspozuar çdo ditë është e madhe, nëse jo e pafundme, është e vështirë të përcaktohet se çfarë e shkakton infertilitetin.
Agjentët e pastrimit, herbicidet dhe kimikatet e tjera janë vërtetuar se shkaktojnë ndryshime në ciklin menstrual, rrisin rrezikun e endometriozës dhe reduktojnë numrin e spermës tek meshkujt.
Mungesa e aktiviteteve fizike
Mënyra jonë “moderne” e jetesës dhe e punës kufizojnë lëvizjen tonë natyrore dhe sakrifica më e madhe është sërish fertiliteti. Obeziteti dalëngadalë po shndërrohet në një epidemi dhe gratë mbipeshë kanë më shumë estrogjen për shkak të indit dhjamor, gjë që çon në cikle menstruale të parregullta.
Nuk ka asnjë mënyrë për të mbrojtur veten nga të ashtuquajturat “përparësi” të jetës moderne. Po, në shumë fusha jeta jonë është bërë më e lehtë, por a është çmimi që paguajmë shumë i lartë? /natalmedia.com/
Materialet dhe informacionet në këtë portal nuk mund të kopjohen, të shtypen, ose të përdoren në çfarëdo forme tjetër për qëllime përfitimi pa miratimin e drejtuesve të “natalmedia”
