Dardha është e pasur me lëndë ushqyese të dobishme. Ato janë një burim i shkëlqyer i fibrave dietike, antioksidantëve, mineraleve dhe komponimeve të dobishme bimore. Ato janë veçanërisht të dobishme për punën e zemrës dhe zorrëve. Nëse dardhat nuk kanë qenë fruti juaj i preferuar më parë, ndoshta përmbajtja e tyre ushqyese dhe përfitimet e mundshme shëndetësore do t’ju bindin të filloni t’i konsumoni.
Vlerat ushqyese të dardhës:
Kalori: 112
Yndyrna: 0,3 gram (g)
Proteinat: 0,7 g
Karbohidratet: 27 g
Fibra: 5.5 g
Sheqernat totale: 17.2 g
Vitamina C: 7.8 miligramë (mg)
Bakër: 0.14 mg
Kaliumi: 179 mg
Vitamina K: 6.7 mikrogramë (mcg)
Cilat janë përfitimet shëndetësore të dardhave?
Dardha është e pasur me fibra
Fibrat dietike janë thelbësore për tretje të shëndetshme.
Me 5,5 gram fibra për racion, një dardhë e mesme siguron rreth 20 për qind të vlerës ditore të fibrave që na nevojiten. Para së gjithash, dardha zbut jashtëqitjen dhe përshpejton tretjen, ndaj nëse vuani nga kapsllëku, përpiquni ta konsumoni më shpesh këtë frut.
Dardha është e mirë për shëndetin e zemrës
Fibrat kontribuojnë në shëndetin e zemrës suaj. Sipas një studimi të vitit 2022, sa më shumë fibra të hani, aq më i ulët është rreziku i sëmundjeve kardiovaskulare si sulmi në zemër dhe goditje në tru. Ka gjithashtu shumë kërkime që sugjerojnë se një dietë e pasur me fibra mund të mbrojë kundër sëmundjeve kardiovaskulare
Përmbajtja e antioksidantëve në dardha është thjesht mbresëlënëse. Ato përmbajnë antioksidantë si vitamina C, vitaminë K, kuercetinë, anthocyaninë dhe të tjerë. Përveç kësaj, vetë fibra në dardha funksionon si një antioksidant.
Një truk: nëse po përpiqeni të rrisni marrjen e antioksidantëve, mos i qëroni dardhat. Shumica e antioksidantëve gjenden pikërisht në lëkuren e dardhës.
Dardha ka veti anti-inflamatore
Vetitë anti-inflamatore të dardhave janë kryesisht për shkak të përmbajtjes së tyre të lartë antioksidante. Në veçanti, flavonoidet në dardha kanë veti anti-inflamatore. Ata qetësojnë inflamacionin, i cili nga ana tjetër zvogëlon rrezikun e sëmundjeve inflamatore si diabeti i tipit 2 dhe sëmundjet e zemrës./natalmedia.com/
Materialet dhe informacionet në këtë portal nuk mund të kopjohen, të shtypen, ose të përdoren në çfarëdo forme tjetër për qëllime përfitimi pa miratimin e drejtuesve të “natalmedia”
