Hurmat kanë një gamë të gjerë vlerash shëndetësore dhe ushqyese, për këtë arsye ato konsiderohen si fruti më i shëndetshëm në tokë.
Ato janë një burim i shkëlqyer i fibrave natyrale që janë të nevojshme për funksionimin e duhur të trupit.
Sheqeri natyral që gjendet në hurma është një alternativë e përkryer ndaj sheqerit të zakonshëm. Ato janë të lehta për t’u tretur dhe reduktojnë ndjenjën e urisë. Për shkak të përbërjes së tyre, hurmat janë një ushqim i vërtetë multivitamine natyrale, e cila mund të përdoret nga fëmijët dhe të rriturit. Nga anemia, te presioni i lartë i gjakut, kolesteroli, madje edhe kanceri… nuk ka pothuajse asnjë sëmundje që nuk mund të kurohet me hurma.
Një burim i shkëlqyer i hekurit
Pacientët anemikë duhet të hanë sa më shumë hurma, pasi ato janë një burim i shkëlqyer hekuri. Njëqind gramë hurma përmbajnë rreth 0,90 gramë hekur, që është rreth 11% e vlerës së rekomanduar ditore. Hekuri, si pjesë e hemoglobinës brenda rruazave të kuqe të gjakut, përcakton aftësinë mbartëse të oksigjenit të gjakut. Fëmijët në pubertet dhe gratë shtatzëna kanë nevojën më të madhe për hekur.
Vitamina për sytë
Për faktin se përmbajnë luteinë dhe zeaksantinë, hurmat quhen “vitamina për sytë”. Luteina dhe zeaksantina janë veçanërisht të rëndësishme për retinën dhe makulën e syrit, pasi ato mbështesin qelizat epiteliale për shikim të mirë dhe mund të parandalojnë dëmtimin makular të lidhur me moshën. Kjo është arsyeja pse nëse doni të ruani shikimin e mirë, duhet të hani sa më shumë hurma.
E ndalon diarrenë
Hurmat përmbajnë kalium, i cili është i dobishëm në shërimin e diarresë. Përveç kësaj, hurmat ndihmojnë për të rivendosur sa më mirë florën e zorrëve. Duke marrë rregullisht hurma, do ta lehtësoni që zorrët të krijojnë baktere “miqësore”.
Ilaç për kapsllëk
Përveç ndalimit të diarresë, hurmat mund të ndihmojnë që ushqimi të tretet dhe të largohet nga trupi më shpejt dhe më lehtë. Është e nevojshme të merren disa hurma dhe të vendosen në ujë të pastër në mbrëmje. Gjatë natës, hurmat do të lëshojnë lëngun e tyre, i cili është një laksativ i shkëlqyer, i cili do të stimulojë zorrët dembelë. Në SHBA, hurmat paketohen në fabrikë në shishe të vogla si ilaç dhe përshkruhen si ilaç për kapsllëkun. Njëqind gram hurma (10-21 copë) përmban 8,5 gram fibra.
Lehtëson lindjen
Një eksperiment i kryer në Universitetin e Shkencës dhe Teknologjisë në Jordani tregoi se konsumimi i hurmave 4 javë para lindjes mund të lehtësojë dhimbjet e lindjes dhe të reduktojë gjakderdhjen. Femrat që hanin hurma para lindjes lindnin më lehtë dhe më shpejt, ndryshe nga ato gra që nuk e merrnin këtë frut. Përveç kësaj, hurmat i ndihmuan gratë të kapërcejnë depresionin pas lindjes dhe të prodhojnë qumësht të mjaftueshëm për foshnjën.
Rregullon peshën e trupit
Për shkak të përmbajtjes së lartë të lëndëve ushqyese, hurmat shkaktojnë ndjenjën e ngopjes tek njerëzit dhe lehtësojnë humbjen e peshës. Nëse merrni një hurmë me stomakun bosh, ajo do të rregullojë zorrët dhe do t’i japë trupit sheqerin që i nevojitet. Hurmat nuk kanë kolesterol, por kanë shumë sheqer, kështu që mund të shtoni peshë nga konsumimi i tepërt. Një kilogram hurma përmban afër 3000 kalori.
Ul kolesterolin
Hurmat kanë aftësinë të ulin nivelin e kolesterolit të padëshiruar LDL në trup. Kjo është arsyeja pse ky është një ushqim i shkëlqyer për njerëzit me kolesterol të lartë, i cili shkakton depozitime yndyrore në arterie që çojnë në mpiksjen e gjakut dhe sëmundje të tjera të zemrës.
Forcimi i zemrës
Njerëzit me zemër të dobët mund ta përdorin këtë frut të mrekullueshëm. Gjatë natës njomni hurmat me fara në ujë. Në mëngjes hiqini farat, grijini në blender bashkë me ujin në të cilin qëndruan gjatë natës. Merrni këtë ilaç disa herë në ditë për të forcuar zemrën.
Hurmat ulin presionin e gjakut
Hurmat janë një ushqim shumë i përshtatshëm për personat që vuajnë nga tensioni i lartë. Ato përmbajnë shumë pak natrium dhe janë të pasura me kalium. Një porcion standard prej pesë ose gjashtë hurmash siguron rreth 80 miligramë magnez, një mineral thelbësor që ndihmon në zgjerimin e enëve të gjakut. Hulumtimet tregojnë se 370 miligramë magnez në ditë mund të ulin presionin e gjakut.
Mbron nga goditjet në tru
Një nga përfitimet kryesore të këtij fruti të mrekullueshëm është aftësia e tij për të rregulluar një sistem nervor të shëndetshëm, falë përmbajtjes së pasur të kaliumit. Studimet kanë treguar se një konsum më i lartë i kaliumit (rreth 400 mg) mund të zvogëlojë rrezikun e goditjes në tru me 40 për qind.
Ushqim për trurin
Hurmat përmbajnë fosfor, i cili luan një rol të rëndësishëm si ushqim për trurin. Për këtë arsye rekomandohen në dietën e njerëzve që merren me punë intelektuale.
Stimulues i energjisë
Hurmat janë një përforcues i madh i energjisë sepse përmbajnë sheqerna natyrale si glukoza, saharoza dhe fruktoza. Efektin maksimal të energjisë do ta merrni nga hurmat nëse i përzieni me qumësht.
Rrit qëndrueshmërinë seksuale
Përzieni një grusht hurma në qumësht dhie dhe lëreni të qëndrojë gjatë gjithë natës. Në mëngjes i përziejmë me qumësht, i shtojmë mjaltë dhe kardamom (lloj erëz) dhe i pimë. Ky shurup mund të pihet nga personat e të dy gjinive, sepse forcon trupin dhe rrit nivelin e energjisë.
Ushqim për fëmijë
Sheqeri i hurmave është lloji i sheqerit që tretet më lehtë, ndaj është i përshtatshëm për të sapolindurit, me faktin se hurmat duhet të shtypen ose të zhyten në ujë para se t’i jepen fëmijës, në mënyrë që ai t’i hajë më lehtë. Instituti Modern i Ushqimit këshillon t’u jepet hurma fëmijëve që vuajnë nga nervozizmi natyral ose hiperaktiviteti.
Ushqim ideal për ata që janë agjërues
Është interesant fakti që edhe mjekët këshillojnë pacientët që trajtohen me agjërim që ta prishin agjërimin me sheqer natyral nga frutat dhe uji. Meqenëse e dimë se hurmat përmbajnë një përqindje të madhe të sheqerit që përthithet lehtë, atëherë e kemi të qartë se hurmat dhe uji janë ushqimi më i mirë për agjëruesit.
Ato forcojnë smaltin e dhëmbëve
Hurmat përmbajnë fluor, i cili është një mineral thelbësor në luftën kundër kariesit, pasi parandalon prishjen e mëtejshme të dhëmbëve. Hurmat mund t’i jepen foshnjës së vogël që po i dalin dhëmbët. Kjo do të zvogëlojë dhimbjen në mishrat e dhëmbëve tek foshnjat. Hurmat janë të mira edhe për shërimin e mëlçisë dhe pastrimin e organizmit nga substancat toksike. Marrja e lëngut të këtij fruti ndihmon në trajtimin e dhimbjeve të fytit, të llojeve të ndryshme të etheve dhe të ftohtit. Hurmat janë gjithashtu një ilaç i shkëlqyeshëm kundër mposhtjes së alkoolit. Ruani shëndetin tuaj me ndihmën e hurmave! /natalmedia.com/
Materialet dhe informacionet në këtë portal nuk mund të kopjohen, të shtypen, ose të përdoren në çfarëdo forme tjetër për qëllime përfitimi pa miratimin e drejtuesve të “natalmedia”
