Pyetje:
Përshëndetje.
Një pyetje për Dr Ismail Lutolli. A mundet me qenë nga anemia nëse fëmijës i rri hunda ngjyrë portokalli në të verdhë? Fëmija i ka 6 muaj e dy javë.
Përgjigje:
Shumë prindër janë të shqetësuar kur vërejnë se lëkura e foshnjës fillon të marrë ngjyrë portokalli. Hiperkarotenemia (shfaqja e ngjyrës së portokalltë ), është një dukuri shumë e zakonshme tek foshnjat. Nëse fëmija juaj ka filluar me ushqimet dhe rregullisht ha karrota apo ushqime të tjera të pasura me beta-carotene, ka shumë mundesi që ky është shkaku i shfaqjes se ngjyrës portokalli në lëkurën e fëmijës tuaj.
Karrota, kungujt dhe patatet e ëmbla, janë perime që shpesh janë të parat me të cilat fillohet ushqyerja e fëmijëve, kur ata fillojnë të hanë ushqime të ngurta dhe ndikojnë në këtë shfaqje. Kur fëmija juaj shpenzon më shumë beta-carotene sesa nevojat e tyre, e cila është konvertuar në vitaminë A, mund të shkaktojnë në lëkurë hije portokalli apo të verdhë. Kjo quhet hiperkarotenemia dhe nuk konsiderohet e rrezikshme.
Nëse ndryshimi i ngjyrës së lëkurës së shkaktuar nga marrja e shumë beta -caroteneve, të bardhët e syve të fëmijës do të vazhdojë të duken normale, nuk ka vend për shqetësim.
Beta-caroteni është gjetur në fruta të tjera dhe perime, duke përfshirë kajsi, pjepër, spinaq, mango etj.
Ngjyra portokalli e lëkurës që ndodhë me marrjen e tepruar te beta-caroteneve nga karrotat apo burime të tjera, nuk paraqet një rrezik për shëndetin. Ngjyra e lëkurës do të zhduket kur fëmija juaj të ndalojë të hajë aq shumë nga ushqimet e pasura me beta karoten.
Dr Ismail Lutolli – Specialist-Pediatër, Subspecialist, Dietolog-Nutricionist,
Subspecialist Hematolog dhe Onkolog pediatric./natalmedia.com/
*Materialet dhe informacionet në këtë portal nuk mund të kopjohen, të shtypen, ose të përdoren në çfarëdo forme tjetër për qëllime përfitimi pa miratimin e drejtuesve të “natalmedia”
